勁無聊地...

早幾日在一個BLOG度發現呢隻GAME, 咁岩呢段時間做咩都完全無心機(包括工作、溫書、看市)...就玩下呢隻GAME.

以我一向的性格, 打機從來唔會睇攻略(包括該BLOG友玩完之後的心得), 鍾意自己透過觀察發掘問題及改良戰術, 呢隻GAME亦唔例外。

第一次玩這種戰塔遊戲, 經過多日的努力, 終於爆機, 暫名列第四。

呢隻GAME令我終於發現複式回報的驚人結果, 雖然原本已經知道複式回報的利害, 但係無諗過係咁驚人。開頭玩的時候, 一有錢就買野, 結果好快捱唔住, 後尾就不停咁忍手, 忍到咁上下, 將錢滾大後, 最貴的武器亦變得平到不得了, 令我最後可以「玩野」地將成個地圖陣舖哂戰塔。